Nais kung muling madama ang kwadernong akin nang natalikuran
ang saya sa twing daup palad ang uling at oslong sing busilak ng bulak
namamatay ang oras twing tayo'y magkaisang diwa
ginuguhit ang luha ng isang kaluluwa.
Madalas akoy tinatawag ng tinig na walang boses
sa gilid ng aking kama nakabalot sa plastic
isang brotcha at mga pintura na nais magamit
ngunit ang takot sa kawang kaalaman ang syang pumipigil
Nais kung gumuhit ng isang obrang marikit
na kahit na anong salita ay di maipaliwanag ang halik
sa mga matang makakatunghay kawalan sa sariling daigdig ang hatid
ngunit pano ko sisimulan kung takot ay nananaig.
Obra sa isip na lamang i lilimbag
gamit angmga kulay ng malawak na bahaghari
balang araw aking lakas ay matatagpuan rin
at nanamnamin nating muli ang pagiisang diwa
at muling guguhit ng isang luha.
Walang komento:
Mag-post ng isang Komento